SQO boıynsha Qylmystyq-atqarý júıesi departamenti baspasóz ókilderiniń málimetinshe, Petropavldaǵy ES-164\6 túzetý mekemesinde jazasyn ótep jatqan áıelderge vaksına salyndy. Buǵan deıin, sottalǵandarǵa reseılik «Spýtnık V» vaksınasy salynsa, endi Otandyq «QazVac» vaksınasyna tańdaý túsipti.
«Vaksınasııanyń birinshi komponentin alýǵa tilek bildirgen sottalýshylar aldymen tolyq medısınalyq tekserýden ótti. Densaýlyqtarynyń durystyǵyna kóz jetkizgennen keıin terapevt dáriger olardy vaksına alýǵa jiberdi. Ekpe egý erikti túrde júrgiziledi, bas tartqandar bolǵan joq. Sondaı-aq, vaksınasııa josparly túrde júrgiziledi», deıdi SQO boıynsha QAJD bastyǵynyń orynbasary Aleksandr Kochkın.
