29-30 sáýir kúnderi Batken oblysyndaǵy qyrǵyz-tájik shekarasynda qarýly qaqtyǵys oryn aldy. Oqıǵa saldarynan kóptegen sarbaz qaza tapty, arasynda beıbit turǵyndar bar sondaı-aq, zardap shekkenderdiń de sany kóp.
«Osylaısha qaza bolǵandardyń týystary men jaqyndaryna qaıǵyryp kóńil aıtamyn jáne qaýly etemin:
-Qyrǵyzstan Respýblıkasynda 2021 jyldyń 1 jáne 2 mamyr kúnderi ulttyq aza tutý kúni dep belgilensin;
-Ulttyq aza tutý kúnderi eldiń búkil aýmaǵynda, sonymen qatar sheteldegi dıplomatııalyq jáne konsýldyq mekemelerde Qyrǵyz Respýblıkasynyń Memlekettik týy túsirilsin;
-Mádenıet mekemeleri jáne teleradıokompanııalarǵa ulttyq aza tutý kúnderi oıyn-saýyq sharalar men baǵdarlamalardy taratpaý usynylsyn;
-Qyrǵyz Respýblıkasynyń úkimetine jergilikti ózin-ózi basqarý organdarymen birlesip qaza bolǵandardyń otbasylary men zardap shekkenderge tıisti kómek kórsetilsin», dedi Qyrǵystan Prezıdenti.
Qyrǵyz eliniń Densaýlyq saqtaý mınıstrliginiń sońǵy málimetteri boıynsha, qarýly qaqtyǵys saldarynan 31 adam qaza taýyp, 154 adam zardap shekken.
