Qyrǵyzstan shekara qyzmetiniń málimetinshe, Batken oblysynyń Arqa jerinde tájik áskerı qyzmetshileri qyrǵyz azamattarynyń turǵyn úılerine oq jaýdyrylyp, aýyl turǵyndary evakýasııalandy. Qalyptasqan jaǵdaıǵa baılanysty UQK ShQ shekara bólimsheleri qorǵanys pozısııasyn ustanyp otyr.
Qyrǵyz Densaýlyq saqtaý mınıstrliginiń málimetinshe, 1 mamyr kúni qyrǵyz-tájik shekarasyndaǵy qaqtyǵys kezinde Internasıonal aýylynan taǵy eki adam qaza tapty.
Aldyn-ala málimetter boıynsha, turǵyndarǵa oq tıip qaıtys bolǵan.
«Sot sarapshylary ólimniń ýaqyty men naqty sebebin anyqtaıdy», dedi Qyrǵyz Densaýlyq saqtaý mınıstri Alymqadyr Beıshenalıev.
1 mamyr kúni Batkende shekaralardy delımıtasııalaý jáne demarkasııalaý jónindegi úkimetaralyq komıssııa músheleriniń kelissózderi bastalýy kerek. Biraq Tájikstan ókildiginen kezdesýge adam kelgen joq.
