Aksııa aıasynda 2 myńnan astam qala turǵynyna azyq-túlik pen qarjylaı kómek berildi.
Qaıyrymdylyq marafony Qazaqstan halqynyń birligi kúni qarsańynda «Abaı» ortalyǵynda ótti. «Elimizde Táýelsizdiktiń 30 jyldyǵyna oraı «30 ıgi is» qaıyrymdylyq marafony ótip jatyr.
Atyraý oblysynda da atalǵan aksııa aıasynda kóp balaly otbasylarǵa, erekshe kútimdi qajet etetin balalardyń analaryna, jalǵyzbasty analarǵa kómek kórsetilýde. Meıirimdilik pen qaıyrymdylyq aksııasy jyl sońyna deıin jalǵasady», deıdi oblys ákiminiń orynbasary Baqytgúl Hamenova.
Shara barysynda erekshe balalary bar analar men kópbalaly otbasylarǵa 15 myń teńgeniń sertıfıkaty sondaı-aq, azyq-túlik sebeti men gúl shoǵy tabystaldy. Osyndaı kómek oblystyń eki myńnan astam turǵynyna kórsetildi. Solardyń qatarynda Mnýpar Jambylova da bar. Ol sal aýrýyna shaldyqqan nemeresin tárbıelep otyr. «Qyzymnyń bes balasy bar. Balalarynyń biri týǵanynan sal aýrýyna shaldyqqan. Bes balany ósirý ońaı emes. Ásirese, erekshe qamqorlyqty qajet etetin sábıge aıryqsha kútim qajet. Sondyqtan, Saıda jıenimdi óz qamqorlyǵyma aldym. Jıenimdi emdetý maqsatymen Qazaqstandaǵy eń tanymal klınıkanyń bárine apardyq», deıdi Mnýpar Jambylova.
