Elorda • 03 Mamyr, 2021

Nur-Sultanda sýburqaqtar iske qosyldy

63 ret kórsetildi

Nur-Sultan qalasynda mamyr aıynyń basynan bastap sýburqaqtar iske qosyldy, dep habarlaıdy Egemen.kz elorda ákimdigine silteme jasap.

Esil aýdanynda 48 sýburqaqtan turatyn 25 fontan kesheni ornalasqan. Sonyń tórteýi – mýzykalyq («Nurjol» jelekjoly, EHRO-2017, Botanıkalyq baq, «Jetisý» saıabaǵy). О́tken jyly «Nurjol» jelekjolyndaǵy osyndaı sýburqaqtardyń birinde repertýar jańartyldy. Endi ol jerde Batyrhan Shúkenovtiń, Dımash Qudaıbergenniń ánderi, Abaı Qunanbaıulynyń «Kózimniń qarasy» sekildi ózge de ánder shyrqalady.

«Esil ózeniniń jaǵasyndaǵy saıabaqty 2020 jyly jóndeý barysynda úsh sýburqaqtyń apatty jaǵdaıda (2005 jyly salynǵan) ekeni anyqtaldy. Qazir turǵyndardyń ótinishi boıynsha eski sýburqaqtardyń ornyna 4 jańa kúrdeli ınjenerlik qurylystar ornatyldy. Onda bakterııalardy, vırýstardy jáne basqa da organızmderdi ýltrakúlgin sáýlelený arqyly óltiretin zamanaýı sý tazartý júıesi birge ornatyldy. Ortalyq sýburqaqta 112 shamnan turatyn jaryq-dınamıkalyq jaryǵy bar, sonymen qatar 56 sý aǵyny 1,5 metr deńgeıinde joǵary kóteriledi. Sýburqaq bıiktigi 1 metrge deıin jasandy tuman jasaý fýnksııasy bar, ol sýburqaqtyń tostaǵanyna tikeleı ornatylǵan 56 saptama arqyly júzege asyrylady. Jaz mezgilinde mundaı sýburqaq jasandy tuman jasaý esebinen saıabaqqa kelýshilerge jaǵymdy áser qaldyrady», dep atap ótti Esil aýdanynyń baspasóz qyzmeti.

Sonymen qatar, bıyl qalanyń kommýnaldyq menshigine «Lıneınyı» saıabaǵynda ornalasqan 1 sýburqaq keshenin berý josparlanyp otyr.

Saryarqa aýdany aýmaǵynda 11 fontan iske qosyldy:

1) Máskeý kóshesindegi gúlzar sýburqaǵy;
2) «О́mir Aǵashy» sýburqaǵy;
3) «Qazaq drama teatry» sýburqaǵy;
4) «Aınalmaly shar» sýburqaǵy;
5) «Álııa Moldaǵulova eskertkishi» sýburqaǵy;
6) Abaı dańǵyly men Jeltoqsan kóshesiniń qıylysyndaǵy sýburqaq;
7) «Jastar teatry» sýburqaǵy;
8) «Atyraý» sýburqaǵy;
9) «Sıren» sýburqaǵy;
10) Jeńis dańǵylyndaǵy «Aqjaıyq» saıabaǵynyń sýburqaǵy;
11) «Halyqtar Dostyǵy» sýburqaǵy.

Aıta keterligi, «Halyqtar dostyǵy» jáne «Qazaq drama teatry» sýburqaqtarynda jańǵyrtý jumystary júrgizilip jatyr.

Almaty aýdanynda 9 fontan iske qosyldy:

1. «Prezıdenttik saıabaq» sýburqaq kesheni;
2. «Qazaq Eli» sýburqaq kesheni;
3. «Áziret Sultan» sýburqaq kesheni;
4. Otan qorǵaýshylar eskertkishindegi sýburqaq kesheni;
5. B. Momyshuly dańǵylyndaǵy Oqýshylar saraıynyń sýburqaǵy;
6. Táýelsizdik Saraıy janyndaǵy sýburqaq kesheni;
7. B. Momyshuly eskertkishi gúlzaryndaǵy sýburqaq;
8. «Aq Bulaq» sýburqaq;
9.«Beıbitshilik jáne kelisim» saraıynyń janyndaǵy sýburqaq kesheni.

Sonymen qatar Baıqońyr aýdanynda 4 sýburqaq iske qosyldy. Olar Respýblıka dańǵyly boıyndaǵy «Jastar» sýburqaǵy jáne «Esil» saýda úıi mańyndaǵy «Bulaq» sýburqaqtary.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar