Vedomstvo ókilderiniń habarlaýynsha, 3 mamyr kúni tańerteń Kókshetaý qalasy polısııa basqarmasynyń kezekshi bólimine Krasnoıar aýylynyń turǵyny júk kóligin belgisiz bireýdiń aıdap áketkenin aıtyp kómek suraǵan. Kólik ıesine keltirilgen shyǵyn kólemi 500 000 teńge shamasynda.
«Polısııa qyzmetkerleri qylmystyń túnde jasalǵanyn anyqtady. Kúdikti úıdiń janynda turǵan «ZIL» markaly avtokóligin aıdap áketken. Patrýldik polısııa jáne jergilikti atqarý organdarynyń qyzmetkerleri jedel izdestirý sharasy barysynda beınebaqylaý kamerasy arqyly kólikti anyqtady», dedi vedomstvodan.
Birneshe saǵattan keıin «Ásker-1» patrýldik polısııasy ekıpajynyń qyzmetkerleri leıtenant Darhan Bopıev pen leıtenant Oljas Tileýov «Rýzaevka – Kókshetaý» avtojolynyń 3 shaqyrymynda urlanǵan kólikti toqtatty. Kólik ishinde 25 jastaǵy azamattan bólek, onyń anasy bolǵan.
«Qazirgi kezde osy jaǵdaıǵa baılanysty Qylmystyq kodekstiń 200-babynyń 1-bóligi «Avtomobıldi zańsyz ıelený» boıynsha sotqa deıingi tergeý bastaldy. Sondaı-aq mas kúıinde kólik quralyn júrgizgeni jáne polısııa qyzmetkeriniń talaptaryn oryndamaǵany úshin ákimshilik hattamalar toltyryldy», dep málimdedi vedomstvo ókilderi.
