Atalǵan derek boıynsha, jedel qyzmet ókilderiniń jeke quramy jasaqtalyp, joǵalǵan avtokólik izdeý jumystary kezinde Shýchınskidegi jergilikti úılerdiń birinen tabylǵan.
Polıseılerdiń málimetinshe, bul derek boıynsha sotaldy tergeý bastaldy. Býrabaı aýdanynyń polısııa bólimi oblystyq Polısııa departamentimen birlesip 20 jáne 22 jastaǵy kúdiktilerdi ustady. Olar jasaǵan isin moıyndap, qylmys qaı jerde bolǵanyn jáne marqumnyń denesin qaıda jasyrǵandaryn aıtty.
Marqum bos ýaqytynda taksı qyzmetinde jumys istegen, kúdiktiler júrgizýshini «Indraıver» qosymshasy arqyly shaqyrǵan.
Eske salaıyq, seısenbi, 4 mamyrda Býrabaı aýdanyndaǵy polısııa basqarmasynyń kezekshi bólimine 45 jastaǵy turǵynnan habar túsken. Ol 3 mamyrda shamamen saǵat 21.00-de 19 jastaǵy uly joǵalyp ketkenin aıtqan. Jábirlenýshiniń anasy uly qara tústi «Mersedes-180» avtokóligimen úıden shyǵyp, joǵalyp ketkenin habarlaǵan.
