Aımaqtar • 06 Mamyr, 2021

Oraldyq depýtattar qos ózenniń jaǵdaıyna alańdaýly

233 ret kórsetildi

Batys Qazaqstan oblystyq máslıhatyndaǵy «Nur Otan» partııasy  fraksııasynyń 24 múshesi Qazaqstan Respýblıkasy Májilisi Parlamentiniń Tóraǵasy Nurlan Nyǵmatýllın men Qazaqstan Respýblıkasynyń Premer-Mınıstri Asqar Mamınge hattar joldap, óńirdegi sý tapshylyǵyna alańdaýshylyq bildirdi, dep habarlaıdy Egemen.kz.

«Nur Otan» partııasynan saılanǵan oblystyq máslıhat depýtattary óńirdegi Bókeı Ordasy, Jánibek, Qaztalov, Jańaqala aýdandarynyń jergilikti turǵyndarymen kezdesken kezde aýyl turǵyndary Qaraózen jáne Saryózen máselesin únemi kóteredi. Halyqtyń aıtýynsha, sońǵy jyldary osy ózenderge Reseı aýmaǵynan keletin sý kúrt tómendep ketken, tipti sońǵy 3 jylda sý múldem kelmegen.

О́zenderdegi sý deńgeıiniń tómendeýi aýdan turǵyndarynyń mal sharýashylyǵymen aınalysýyna kedergi keltirip otyr. О́tken jyly Jańaqala sharýalary mal sýatynan erekshe tapshylyq kórdi. Bulaı bola berse, mal basy qyrylyp qalýy múmkin degen qaýip kún tártibinen sońǵy kezderi túspeı tur.

Qaraózen men Saryózenge sý Reseı Federasııasynyń Saratov, Volgograd oblystarynan keledi. Keńes Odaǵy kezinde qos ózenge Edilden sý tartylyp, arnasy tolatyn. Edil sýyn alýǵa baılanysty shyǵyndardy Qazaqstan Reseıge respýblıkalyq bıýdjet esebinen óteıtin. Keıingi jyldary keletin sýdyń mólsheri azaıdy. Nátıjesinde sońǵy jyldary qurǵaqshylyq, sýǵa degen táýeldilik kúsheıip ketti. Sebebi Qazaqstan taraby qajetti deńgeıdegi sýdy ala almaı otyr.

Búginde Qazaqstannan bólingen qarajat Saratov kanaly arqyly 54 mln tekshe metr, Volgograd oblysynan Pallasov júıesi arqyly 21 mln tekshe metr sý alýǵa jetedi. Al qosymsha qajettilik 131 mln tekshe metrdi quraıdy. Aqysy tólense, Reseı jaǵy bizge sý berýge daıyn. Tek sol sýdy jetkizý úshin ketetin shyǵyndardy óteýge qarajat máselesi sheshilmeı otyr.

Sońǵy jyldary Qaraózen men Saryózenniń aıdyndary tartylyp, aınalasyndaǵy shaǵyn kólderdiń de joıylýyna sebep bolyp tur. Qazir ózen boıynda ornalasqan kishigirim sý qoımalarynyń barlyǵy da qazir bos tur deýge bolady. Ol óz kezeginde, sýlardyń taıazdanýyna, mıneraldanýyna, lastanýyna, jáne balyq men maldyń qyrylýyna ákelip soǵýda.

Osy máseleniń ońynan sheshilýine yqpal etý úshin Batys Qazaqstan oblystyq máslıhatyndaǵy «Nur Otan» partııasy fraksııasynyń 24 múshesi bıylǵy naýryz aıynda Qazaqstan Respýblıkasy Májilisi Parlamentiniń Tóraǵasy Nurlan Nyǵmatýllınge jáne Qazaqstan Respýblıkasynyń Premer-Mınıstri Asqar Mamınge hat joldaǵan bolatyn.

Qazaqstan Respýblıkasy Ekologııa, geologııa jáne tabıǵı resýrstar mınıstrligi 2021 jylǵy 2 sáýirde joldaǵan hatyna qaraǵanda bul másele ońynan sheshiletin syńaıly. Batys Qazaqstan oblysyndaǵy sý sharýashylyǵyn jaqsartý maqsatynda Qaraózen men Saryózenge 132,9 mln tekshemetr Edil sýyn alý úshin 2021 jylǵa arnalǵan respýblıkalyq bıýdjettiń kishi baǵdarlamasy boıynsha 3,5 mlrd teńge qarajat bólý týraly Qazaqstan Respýblıkasy Qarjy mınıstrligine bıýdjettik ótinim joldanǵany belgili boldy. Bul másele bıýdjetti naqtylaý sheńberinde pysyqtalatyn bolyp sheshim qabyldanǵan.

«Qaraózen men Saryózenge sý alý máselesin «Nur Otan» partııasy Batys Qazaqstan oblystyq fılıaly jiti baqylap otyr» dep habarlady bizge fılıaldyń baspasóz hatshysy.qujat

qujat

Sońǵy jańalyqtar

Sheteldik vaksınalar aqyly bolady

Koronavırýs • Keshe

Almatyda qylmys azaıdy

Aımaqtar • Keshe

Uqsas jańalyqtar