Áleýmettik jelilerde atalǵan oqıǵaǵa qatysty vıdeolar tarady.
Tótenshe jaǵdaı 11 mamyr kúni Almaty oblysy Shamalǵan aýylynda bolǵan. Jazba sıpattamasyndaǵy málimetke súıensek, paraplan elektr taratý jelilerine ilinip, úzip ketken. Aldyn ala málimetter boıynsha, paraplan aýa aǵynyna túskendikten, basqarylmaı qalǵan.
Almaty oblysy Densaýlyq saqtaý basqarmasy zardap shekkenderdiń jaǵdaıyn aıtty.
«1971 jyly týǵan naýqas jansaqtaý bólimine jatqyzyldy. Jaǵdaıy aýyr. Dıagnozy: jabyq bas súıek, mı jaraqaty, mı kontýzııasy, birneshe súıektiń synýy. 2004 jyly týǵan naýqas travmatologııalyq bólimshege jatqyzyldy. Jaǵdaıy ortasha aýyr. Dıagnozy: jabyq bas súıek, mı jaraqaty, mı shaıqalýy, omyrtqanyń jabyq kompressııalyq synýy», dedi Almaty oblysy Qoǵamdyq densaýlyq saqtaý basqarmasy ókilderi.
