SQO polısııa departamenti baspasóz qyzmetiniń málimetinshe, oqys oqıǵa 7 mamyr kúni bolǵan. Qyzyljar aýdandyq polısııa bólimine tańǵy saǵat 8.05-te Báıterek aýylynda 30 naýryz kúni týǵan sábıdiń qaıtys bolǵany jaıynda habar túsken.
Tártip saqshylary sábıdi qaraý kezinde eshqandaı dene jaraqatyn kórmegen. Balanyń denesi sot-medısınalyq saraptamaǵa jiberildi. Mamandar «Emshektegi sábıdiń kenetten bolǵan ólimi» dep qorytyndy shyǵardy. Qaıtys bolǵan sábıdiń 25 jastaǵy anasynyń aıtýynsha, 6 mamyrdan 7 mamyrǵa qaraǵan túni ol tańǵy saǵat 5.00 shamasynda oıanyp, balasyn emizgen. Keıin uıyqtatyp, ózi de uıyqtaýǵa jatqan. Tańerteń saǵat 7.30 shamasynda oıanǵan ol balasynyń demalmaı jatqanyn kórgen. Týǵandary birden dáriger shaqyrǵan.
Qazir atalǵan derek boıynsha tıisti tergeý amaldary júrgizilip, is jan-jaqty qaralyp jatyr.
