11 mamyrda qaıtys bolǵan eki muǵalim men jeti jasóspirimdi aqtyq saparǵa shyǵaryp salý rásimi ótip jatyr. Uldardyń biri Qazandaǵy musylman zıratyna jerlendi, rásimge tek týystary qatysty. Taǵy bir jasóspirim týǵan jerinde, Malye Klykı aýylynda jerlendi. Eki muǵalim Konstantınovka jáne Samosyrovo aýyldarynda jer qoınyna tapsyryldy.
Tatarstan prezıdenti Rýstam Mınnıhanov bılik ólgenderdi jerleýdi qarjylandyrýdy jáne uıymdastyrýdy óz moınyna alýǵa ýáde berdi.
Sondaı-aq qoshtasý rásimine mamandandyrylǵan psıhıatrlar men dárigerler qatysady dep habarlandy. Negizgi atys bolǵan 8 «A» synyp oqýshylarymen psıhologtar jumys júrip jatyr. Búgin respýblıkada ulttyq aza tutý kúni dep jarııalandy.
Esterińizge sala keteıik, 11 mamyrda Qazan qalasyndaǵy mektepterdiń birinde 19 jastaǵy jigit oq atyp, 9 adam qaza tapty. Olardyń arasynda 7 bala men eki muǵalim bar. Jaraqat alǵan 21 adam aýrýhanaǵa jetkizildi. Qazirgi tańda kúdikti ustalyp, qamaýǵa alyndy.
