Rásiminen keıin oryn alǵan ekijaqty kezdesýdiń barysynda otandyq dıplomat Eýrokomıssııa basshysyna Prezıdenti Qasym-Jomart Toqaevtyń sálemdemesi men izgi tilekterin jetkizdi. Taraptar Keńeıtilgen áriptestik pen yntymaqtastyq týraly kelisim aıasynda Qazaqstan men Eýroodaq arasyndaǵy yntymaqtastyqtyń birqatar máselelerin talqylady. Atap aıtqanda, joǵary deńgeıdegi saıası dıalog, saýda-ekonomıkalyq jáne ınvestısııalyq yntymaqtastyq, jasyl ekonomıka jáne qorshaǵan ortany qorǵaý, sondaı-aq COVID-19 pandemııasynyń saldarymen kúres máseleleri qozǵaldy.
M. Baımuhan Ý. fon der Lıaıendi Qazaqstan Úkimetiniń koronavırýspen kúres jónindegi sharalary, atap aıtqanda halyqty vaksınasııalaý barysy jáne qazaqstandyq ǵalymdar jasaǵan «QazVac» vaksınasy týraly habardar etti. Sondaı-aq, Elshi Eýropalyq dárilik zattar agenttigimen yntymaqtastyq ornatylyp jatqanyn atap ótti. Eýrokomıssııa Prezıdenti bul jańalyqty úlken qanaǵattanýshylyqpen qabyldady.
