Sarapshylar ashyq aýada jáne jabyq úı-jaılarda ekpeniń eki komponentin saldyrǵandar úshin mindetti túrde maska kııý jáne qashyqtyqty saqtaý talaptaryn alyp tastaýdyń oryndy ekenin málimdedi. Bul tizimge qoǵamdyq kólik, vokzaldar men áýejaılar qosylmaıdy.
Grekııada búginnen bastap epıdemııaǵa qarsy engizilgen shekteýler jeńildetildi. Atap aıtqanda, el ishindegi saparlarǵa tyıym salýlar alynyp tastaldy, mýzeıler jumysyn qaıta bastady. Sonymen qatar turǵyndarǵa endi úıden shyǵý týraly SMS arqyly bılikke habarlaýdyń qajeti joq. Sonymen birge Grekııaǵa sý jáne áýe kólikteri arqyly kiretinder áli de vaksınasııa týraly anyqtamany nemese koronavırýsty tekserý testiniń teris nátıjesin usynýy kerek.
⠀
Molekýlalyq bıologııa salysynyń jetekshi ǵalymdary men ımmýnologtar BUU men Qytaıdy SARS-CoV-2 koronavırýsynyń shyǵý tegi týraly qaıta tergeýdi uıymdastyrýǵa shaqyrdy. Ǵalymdardyń pikirinshe, Qytaıda DDU mamandary júrgizgen tergeý jańa vırýstyń zerthanalyq nemese tabıǵı shyǵý tegi týraly naqty dálelder bere alǵan joq. Sonymen qatar alǵashqy gıpotezaǵa jetkilikti kóńil bólinbedi deıdi ǵalymdar.
