SQO aýyl sharýashylyǵy jáne jer qatynastary basqarmasynyń málimetinshe, 3 mln gektar dándi, 0,9 mln gektar maıly daqyl sebilmek. 330 myń gektar jem-shóp, 32 myń gektar – kartop jáne 6,1 myń gektar kókónis egiledi.
«Importty almastyrý maqsatynda aýyl sharýashylyǵy mınıstrliginiń usynymdaryna sáıkes jáne aýdandardyń málimetterine súıensek, bıyl qaraqumyq 10 myń gektarǵa egiledi. Bul ótken jylmen salystyrǵanda 2,4 ese artyq. Byltyr qaraqumyq alqaby 4,2 myń gektardy qurady», deıdi SQO ákimdiginiń aýyl sharýashylyǵy jáne jer qatynastary basqarmasynyń bas mamany Narǵyz Aqjigitova.
О́ńirde sharýashylyqtar kóktemgi egis naýqanyn bastap ketti.
«Soltústik Qazaqstan aýyl sharýashylyǵy tájirıbe stansııasy» JShS usynymdaryna sáıkes, dándi daqyldardy sebýdiń ońtaıly merzimderi 13 mamyrdan 5 maýsymǵa deıin, dándi-burshaqty jáne maıly daqyldar 12 mamyrdan 28 mamyrǵa deıin, kartop 15 mamyrdan 31 mamyrǵa deıin belgilengen. 14 mamyrdaǵy jaǵdaı boıynsha 50 myń gektar alqapqa dándi daqyldar men kókónis egildi», deıdi Narǵyz Aqjigitova.
Bıylǵy egis naýqanyn júrgizýge 13 myń traktor, 15 myń astyq sepkish, 1200 zamanaýı ónimdiligi joǵary egis keshenderi tartylyp otyr.
