ShQO tótenshe jaǵdaılar departamenti baspasóz qyzmetiniń málimetine súıensek, 15 mamyr kúni «О́skemen-Altaı» tasjolynyń 25 shaqyrymynda «Volvo» markaly júk kóligi aýdarylyp túsken.
Jol apatynyń saldarynan kólik shanaǵy janǵan.
«Oqıǵa ornyna órt sóndirýshiler shuǵyl kelip jetti. Kóp uzamaı jalpy aýdany 9 sharshy metrdi quraǵan tilsiz jaý aýyzdyqtaldy. О́rtti óshirý kezinde 2 máıit tabylǵan. Qaza bolǵan azamattardyń jeke bastary anyqtalýda», dep habarlady vedomstvo ókilderi.
Atalǵan fakti boıynsha sot-medısınalyq saraptama jumystary júrgiziledi.
Qyzyl jalyndy sóndirýge jeke quramnan 15 adam men 5 tehnıka jumyldyrylǵan.
