Úndistandyq dárigerlerdiń pikirinshe, koronavırýs belgileri qataryna aýyzdyń qatty qurǵap qalýyn da qosýǵa bolady. Mamandardyń aıtýynsha, sırek jaǵdaılarda naýqastyń aýzyna jara shyǵýy múmkin. Biraq naýqastardyń dene qyzýy kóterilmeı, tek álsizdik bolýy yqtımal.
Doktor Sattýr 55 jastaǵy naýqastyń jaǵdaıyn sıpattap, onyń temperatýrasy kóterilmegenimen, aýzy qatty qurǵap, álsirep qala beretinin aıtqan. Keıin er adamǵa koronavırýs ınfeksııasy dıagnozy qoıylǵan.
Dáriger aýyz qurǵap, álsizdik bolsa, kez kelgen adam COVID-19 bar-joǵyna tekserilýi keregin aıtty.
Dárigerler COVID-19 jańa sımptomynyń paıda bolýy ınfeksııanyń jańa túrleriniń – «ulybrıtanııalyq», «brazılııalyq» nemese «úndistandyq» mýtasııanyń taralýyna baılanysty bolýy múmkin ekenin atap ótti.
