Bıyl da úzdikter kóshin Madrıdtiń «Realy» bastap tur. Olardyń brendi 1,276 mıllıardevroǵa baǵalanyp otyr. Árıne, koroldik klýbtyń bul tabysyna tańdanýǵa bolmas. Irgetasy HH ǵasyrdyń basynda qalanǵan aıtýly komandanyń baǵyndyrmaǵan belesi joq. Tarqatyp aıtsaq, Chempıondar lıgasyn – 13, ÝEFA kýbogyn – 2, Qurlyqaralyq kýbokty – 3, jáne ÝEFA sýperýbogy men klýbtyq álem chempıonatyn – 4 retten utty. Ispanııa chempıonatynyń qorytyndysy boıynsha 34 altyn, 23 kúmis jáne 10 qola medaldi oljalady. El kýbogy jolyndaǵy jarysta 19 márte qarsylas shaq keltirmedi. О́z qataryna kileń juldyzdardy jumyldyrǵan «Real» qazirgi kezdegi álemdegi eń baı-qýatty komandalardyń arasynda da aldyńǵy lekte.
Sondaı-aq, joǵaryda atalǵan ólshem boıynsha «Barselona» (€ 1,266 mlrd), «Manchester Iýnaıted» (€ 1,130 mlrd), «Manchester Sıtı» (€ 1,118 mlrd), «Bavarııa» (€ 1,068 mlrd), «Lıverpýl» (€ 973 mlrd), PSJ (€ 887 mlrd), «Chelsı» (€ 769 mlrd), «Tottenhem» (€ 723 mln) jáne «Arsenal» (€ 675 mln) syndy fýtbol klýbtary úzdik ondyqtyń qataryna enip otyr.
