«Qurmetti mýzeı isiniń mamandary!
Sizderdi 18 mamyr Halyqaralyq mýzeı kúnimen shyn júrekten quttyqtaımyn!
Mýzeı – keshegi tarıhty búgingi kúnmen baılanystyryp, ony keıingi urpaqqa ulyqtaıtyn, synaptaı syrǵyǵan ýaqytty paıdaly ótkizýge, tanym kókjıegin keńeıtýge múmkindik beretin əmbebep ortalyq. Ər mýzeı óz aldyna boıaýy qanyq, aıtar oıy anyq ózgeshe bir əlem.
Bar ǵylymnyń jetistigin baıandaıtyn jəne tarıh taǵlymymen tanystyratyn mədenı orda urpaq jalǵastyǵy men əlem halyqtaryn áriptestikke bastaıtyn altyn kópir atanyp úlgerdi. Osy oraıda mýzeıler týrızmmen bite qaınasyp, demalystyń ajyramas bóligine aınalǵany bul salanyń qyzmetin jańa baǵytta jalǵastyrýǵa jol ashady.
Búgingi oraıly sətti paıdalana otyryp, qordaǵy materıaldardy tirkeıtin, eksponattardy saqtaý men olardy halyqqa tanystyrýǵa deıingi kózge kórinbeıtin jumystyń bərin isteıtin sala qyzmetkerleriniń ushan-teńiz eńbegine alǵys aıtamyn.
Aldaǵy ýaqytta da birneshe dáýirdiń tarıhyn, etnografııasyn, tarıhı tulǵalaryn, ónerin jınaqy túrde usynatyn, jınaqtalǵan murany ǵylymı aınalymǵa engizetin ınstıtýttyń qyzmeti jandanyp, kelýshileriniń qatary qalyń bolsyn!», dep jazylǵan quttyqtaý hatynda.
