Bıyldan bastap áskerı kafedralardyń stýdentterin zapastaǵy ofıserler, sondaı-aq zapastaǵy serjanttar baǵdarlamasy boıynsha daıarlaý máselesi talqylandy. Bul 2020 jyly QR «Áskerı qyzmet pen áskerı qyzmetshilerdiń mártebesi týraly» Zańyna tıisti tolyqtyrýlar engizilgennen keıin qolǵa alyndy.
Qatysýshylarǵa birneshe áskerı kafedralardyń bazasynda synaqtan ótken «Geotaktıka» taktıkalyq is-qımylynyń vırtýaldy údetkish baǵdarlamalyq jasaqtamasy kórsetildi.
Qorǵanys mınıstrligi Áskerı bilim jáne ǵylym departamentiniń bastyǵy polkovnık Talǵat Qalyshev semınar sońynda áskerı kafedralarda oqý-tárbıelik úrdisin ári qaraı jetildirý men áskerı-oqytylǵan rezerv retinde zapastaǵy áskerı qyzmetshilerdi sapaly daıarlaýǵa qatysty mindetterdi naqtylady.
Aıta keteıik, jaqynda ǵana ótken Qaýipsizdik Keńesiniń otyrysynda bul taqyryptyń ózekti másele ekeni atalǵan edi.
