Aqtóbede mınıstrdiń orynbasary oblys ákimi Ońdasyn Orazalınmen kezdesý barysynda áskerge shaqyrý naýqany, azamattardy merzimdi áskerı qyzmetke shaqyrýdaǵy sıfrlyq júıelerdi qoldaný máseleleri qaraldy. Mınıstrdiń orynbasary oblystyq ákimshiliktiń ahýaldyq ortalyǵyna bardy.
Jergilikti áskerı basqarý organdary men quqyq qorǵaý organdarynyń ókilderine aqparattyq júıelerdi qoldanýdaǵy sheteldik tájirıbesi usynyldy.
Daryn Tuıaqov áskerge shaqyrý naýqanyn ótkizý kezinde sıfrlyq tehnologııalardy keńinen qoldaný júrgizilip jatqan jumystyń sapasymen qatar, ashyqtyǵyn da qamtamasyz etetinin atap ótti. Biryńǵaı aqparattyq bazaǵa áskerge shaqyrylýǵa jatatyn tulǵalardyń áleýmettik, densaýlyq jaǵdaıy, bilimi týraly aqparatty engizý qajet. Bilim berý, densaýlyq saqtaý uıymdarymen jáne quqyq qorǵaý organdarymen tyǵyz ózara baılanys ornatý arqyly ǵana áskerge shaqyrýdyń elektrondyq júıeleý sapasyn arttyrýǵa bolady.
Mańǵystaý oblysynda halyqqa memlekettik qyzmet kórsetý jumystaryna basty nazar aýdaryldy. Mınıstrdiń orynbasary halyqqa qyzmet kórsetý ortalyqtarynda bolyp, aýyldyq eldi mekenderdi Internetke keń jolaqty qoljetimdilikpen qamtamasyz etý úshin engizilgen TOBJ (talshyqty-optıkalyq baılanys jelileri) Qazaqstannyń telekommýnıkasııa salasynyń jobasymen tanysty.
Búgingi tańda qorǵanys vedomstvosy halyqqa usynatyn barlyq memlekettik qyzmetter sıfrlandyrylǵany jáne barlyq azamattar olardy elektrondyq formatta alý múmkindigine ıe ekeni atap ótildi.
Daryn Tuıaqov Aqtaý garnızonynyń áskerı bólimderinde aqparattyq-kommýnıkasııalyq ınfraqurylymnyń jaı-kúıimen tanysyp, avtomattandyrylǵan basqarý júıesin paıdalanýǵa engizý máseleleri boıynsha keńes ótkizdi.
