Jańa beles: Eýrazııa ulttyq ýnıversıtetine – 25 jyl

L.N.Gýmılev atyndaǵy Eýrazııa ulttyq ýnıversıtetiniń 25 jyl­dyǵyna arnalǵan Ǵylymı keńestiń saltanatty otyrysy ótti. Sanıtarlyq talap saqtalǵan jıyndy EUÝ rektory, UǴA akademıgi Erlan Sydyqov ashty.

«Elbasy N.Nazarbaevtyń L.N.Gýmılev atyndaǵy Eýrazııa ýnı­versıtetin qurý týraly­ Jar­lyǵy otandyq bilim-ǵylym salasynyń jańa paraǵyn ash­ty. Atap aıtsaq, birinshiden, Elbasy Eýrazııa ýnıversıtetin qurý arqyly 1994 jyly 29 naý­ryzda Máskeý memlekettik ýnıversıteti minberinen jarııa etken Eýrazııalyq ekonomıkalyq odaq ıdeıasyna serpin berdi. Ekinshiden, Qazaqstannyń jańa astanasynyń ıntellektýaldyq irgetasyn qalady. Úshinshiden, otandyq joǵary mekteptiń draıveri retinde Eýrazııa ýnı­versıtetine zor múmkindik tý­ǵyzdy. Al oqý ornyna túr­kitanýshy, tarıhshy, geograf Lev Gýmılevtiń atyn berý arqyly jas býynǵa el tarıhynyń tereńdigin, kóne túrki qundylyqtarynyń mańyzdylyǵyn meńzedi. Budan da mańyzdy qadam – Qazaqstan jolynyń, Qazaqstan damýynyń, Lev Gýmılev aıtqandaı, pas­sıonarlyq jańǵyrýyn aıqyn­dady», dedi rektor.

Osydan soń EUÝ basshysy atalǵan ýnıversıtette eń­bek etken iri tulǵalar men olardyń jemisti jumystaryna toqtaldy. Onyń aıtýynsha, Amangeldi Qusaıynov, Myrzataı Jol­dasbekov, Sársenǵalı Ábdi­manapov, Baqytjan Ábdiraıym – eks-rektorlar emes, tarıhta aty qalǵan rektorlar. Al Ja­­baı­han Ábdildın, Bolat Kóme­kov, Seıit Qasqabasov, Rahmet­qajy Bersimbaı, Muh­tarbaı О́telbaev, Ǵarıfolla Esim, Rysqul Oınaruly, Qar­jaýbaı Sartqojauly, Qoıshy­ǵara Salǵarauly, Saılaý Batyr­shauly, Eńlik Nurǵalıeva, Shákir Ibraev, Namazaly Omashuly, Ǵadilbek Shalahmetov, Serik Negımov, t.b. akademıkter­ men áıgili professorlar ulttyq ýnıversıtettiń ǵylymı mektep­terin qalyptastyrdy. Sondaı-aq shırek ǵasyrda bilim ordasynyń qabyrǵasynda eńbek etip, bú­ginde  baqıǵa attanǵan Rymǵalı Nurǵalı, Myrzataı Serǵalıev, Aqseleý Seıdimbek, Myrzageldi Kemel, Náýbat Qalıev syndy ǵalymdardyń aty umytylmaıdy.  

Saltanatty jıynda sóz alǵan Bilim jáne ǵylym mınıstri Ashat Aımaǵambetov Elbasy Nursultan Nazarbaevtyń quttyqtaý hatyn oqydy. Onda ýnıversıtet alǵash qurylǵan kúnnen bastap táýelsizdikpen birge jasasyp kele jatqany jáne elimizdiń betke ustar bilim uıasyna aınalǵany aıtylǵan. Qurylǵanyna 50 jyl tolmaǵan álemdik ýnıversıtet arasynda EUÝ-dyń kósh bastaǵanyn jetkizip, aldaǵy ýaqytta bilim men ǵylymnyń kóshbasshysy bolyp, ulttyq ýnıversıtettiń bedelin arttyra beretinine jáne ýnıversıtet tú­lek­teri elimizdiń barlyq salasynda jemisti eńbek etetinine senim bildirgen. Otandyq joǵary oqý oryndarynyń arasynda aldy ekeni atalyp, EUÝ aldaǵy ýaqytta da joǵary bilikti mamandardy daıarlaýda mańyzdy ǵylymı-bilim berý ortalyǵy retinde qala be­retinine úmit artqan.

Sonymen qatar mınıstr A.Aımaǵambetov Memleket basshysy Qasym-Jomart Toqaevtyń da quttyqtaýyn jetkizdi. Pre­zıdenttiń quttyqtaýynda: «Sizderdi L.N.Gýmılev atyndaǵy Eýrazııa ulttyq ýnıversıtetiniń 25 jyldyq mereıtoıymen shyn júrekten quttyqtaımyn! Osydan 25 jyl buryn Elbasy Nursultan Ábishuly Nazarbaevtyń tikeleı bastamasymen qurylyp, EUÝ Eýropa, Azııa, AQSh, taǵy basqa sheteldik joǵary oqý oryndarymen, túrli ǵylymı-zertteý ortalyqtarymen, shetel mem­leketteriniń elshilikterimen, halyqaralyq bilim berý uıym­darymen  qarym-qatynas jasaıtyn eýrazııalyq ıdeıasyn iske asy­ratyn jetekshi  ýnıversıtetke aınaldy», delingen.

Prezıdent quttyqtaýyn oqyp bergennen keıin vedomstvo basshysy A.Aımaǵambetov:

«Bul ýnıversıtet Qazaq­s­tan tóńireginde ǵana emes, halyq­ara­lyq deńgeıde qabi­letti bolyp, álem­degi úzdik ýnı­versıtetterdiń qataryna enýi kerek. Qazir dál osyndaı mindetti Mem­leket basshysy bizdiń aldy­myzǵa qoıyp otyr. Árıne, bul úshin barlyq múmkindik bar dep aıtýǵa bolady. Jýyrda ýnı­versıtettiń dırektorlar keńe­sinde EUÝ-ny zertteýshi ýnı­versıtet re­tinde qaıta qalyp­tastyrý bo­ıynsha sheshim qa­byl­dadyq. En­di osy sheshimdi Úki­mettiń qaraýyna shyǵaryp, tıisti qaýly qabyldansa, EUÝ zertteýshi ýnıversıtet bolyp, jańa beles­terge kóteriledi dep senemin», dedi.

Mınıstr EUÝ-nyń bir top qyzmetkerin merekelik medalmen marapattady. Olar­dyń ishi­nde Eltańba avtory Jandarbek Málibekuly, akademık Rahmet­qajy Bersimbaı, fılolog-ǵa­lym Serik Negımov, pedagogıka ǵylymdarynyń dok­­tory, professor Perızat Seıitqazy «Ybyraı Altyn­sa­rın» tósbelgisimen marapattalsa, ǵalymdar Nurjan Boqaev, Nur­sáýle Boranbaeva ǵylymdy damytýǵa qosqan úlesi úshin  tós­belgisin keýdelerine taqty.

Oqý ornynyń mereıtoıyn­ atap ótýde toı toılaýǵa emes, ıgi iske de kóbirek mán beril­gen­deı. Sonyń bir kórinisi bolar, EUÝ-nyń 25 jyldyǵyna oraı «University sports centre» sport­tyq-saýyq­tyrý kesheni ashyldy. Jalpy aýdany 7 074 sharshy metr jáne ár aýysymda 216 adam qabyl­daı alatyn jańa sport kesheni voleıbol, basketbol, shaǵyn fýtbol, gandbol, kúres, bı sııaq­ty sporttyń oıyn túrleri boıynsha sabaqtar ótkizýge, son­daı-aq jarystar men arnaıy sport seksııalarynyń jattyǵý sabaqtaryn ótkizýge arnalǵan. Keshen ǵımaraty tórt qabattan turady: birinshi qabatta eki fýtbol, bir basketbol jáne tórt voleıbol alańy, ekinshi qabatta erler men áıelderdiń kıim sheshetin bólmeleri, úshinshi qabatta erler men áıelderdiń jattyǵý zaly, boks zaly, shahmat oınaýǵa ar­nalǵan sport kabınetteri, sondaı-aq toǵyzqumalaq, asyq atý jáne bes tas sııaqty ulttyq sport túrleri, tórtinshi qabatta tennıs oınaýǵa arnalǵan zal, sheıpıng pen bıge arnalǵan sportzal ornalasqan.

Jaqyn ýaqytta skalodrom ashý josparlanyp otyr. Eske sala keteıik, sońǵy 8 jylda EUÝ korpýsyna qarasty oqý-zert­hanalyq ǵımarat, startap aımaǵy, 2 Stýdentter úıi, oqytýshylar quramy men qyzmetkerler úshin 2 turǵyn úı salyndy.