«Qazaqstan terrıtorııasynyń basym bóliginde Batys antısıklonymen jaýyn-shashynsyz aýa raıy saqtalady. Tek elimizdiń ońtústik-shyǵysy men shyǵysynda atmosferalyq frontaldy bólikterdiń ótýimen keı jerlerde ótkinshi jańbyr jaýady. Respýblıkanyń keı jerlerinde jel kúsheıedi, batysy men ońtústiginde shańdy daýyl soǵady, ońtústiginde – naızaǵaı, soltústiginde túngi saǵattarda tuman bolady», delingen habarlamada.
Túrkistan, Atyraý oblystarynyń keı jerlerinde jeldiń kúsheıýi 15-20 m/s jetip, shańdy daýylmen soǵady.
Jambyl jáne Qyzylorda oblystarynda jel kúsheıedi, kúndiz Jambyl oblysynyń taýlarynda burshaq jaýýy yqtımal, Qyzylorda oblysynda shańdy daýyl bolady.
Almaty oblysynyń taýly aımaǵynda kúndiz jeldiń ekpini 15-20 m/s jetedi.
Soltústik Qazaqstan oblysynyń keı jerlerinde tuman túsedi.
Mańǵystaý, Aqmola, Atyraý, Batys Qazaqstan, Aqtóbe, Qostanaı, Soltústik Qazaqstan, Pavlodar, keı jerlerde Qaraǵandy oblystarynda qatty ystyq bolady.
Qyzylorda oblysynyń basym bóliginde, Shyǵys Qazaqstan oblysynyń keı jerlerinde, Almaty, Qostanaı, Pavlodar, Qaraǵandy, Atyraý, Jambyl oblystarynyń jekelegen aýdandarynda óte joǵary órt qaýpi bolady.
