Aımaq basshysy Ábilqaıyr Sqaqov jańa basshyny Aqsý qalasynyń belsendilerine tanystyrdy. Oblys ákimi Janat Shuǵaevtyń memlekettik jáne jeke sektordaǵy mol tájirıbesin atap ótti. Jergilikti máslıhat Aqsý qalasynyń ákimi laýazymyna usynylǵan kandıdatýrasyn maquldady.
Janat Shuǵaevqa qalany abattandyrýdy qolǵa alý tapsyryldy. Aqsý ákimi bir aılyq merzim ishinde qala ınfraqurylymyn damytý jáne rekreasııalyq aýmaqtardy qurý jónindegi usynystar jasaýy tıis. Aımaq basshysy josparǵa jergilikti turǵyndardyń talap-tilekteri men usynystaryn engizý mindetti ekenin atap ótti.
Janat Shuǵaev 1960 jyly Pavlodar oblysynyń Maı aýdanynda dúnıege kelgen. 1983 jyly Selınograd aýylsharýashylyq ınstıtýtyn «ǵalym-agronom» mamandyǵy boıynsha támamdady.
Eńbek jolyn Pavlodar oblysynyń «Maıak» keńsharynda bastaǵan.
1985–1989 jyldary – Pavlodar oblystyq mamandandyrylǵan ekonomıkalyq birlestiginiń bas agronomy.
1990–1991 jyldary «Maıak» keńshary dırektorynyń orynbasary bolyp qyzmet etti.
1991–1997 jyldary «Pavlodar BATT» kompanııasyn basqardy.
1997–1998 jyldary ol «BATT» korporasııasynyń Soltústik Qazaqstan oblysyndaǵy basshysy boldy.
Sodan keıin ol bes jyl boıy Petropavlda aldymen «Smırnovskıı elevator» AQ, sodan keıin «Qııaly Astyq» JShS kásiporyndaryn basqardy.
2003 jyly ol SQO Aqqaıyń aýdanynyń ákimi bolyp taǵaıyndaldy.
2004 jyl men 2006 jyl aralyǵynda – «Mamlıýtskıı mýkomolnyı kombınat» AAQ prezıdenti.
2006 jyldan 2007 jylǵa deıin – Kókshetaý qalasyndaǵy «BATT Agroınvest» JShS bas dırektory.
2007 jyldan 2009 jylǵa deıin Shýchınsk qalasyndaǵy «Agrofırma Býrabaı 2007» JShS basqardy.
2009–2012 jyldary Pavlodar oblysy Jelezın aýdanynyń ákimi, 2012–2013 jyldary – Ertis aýdanynyń basshysy qyzmetterin atqardy.
2013 jyldan 2014 jylǵa deıin Pavlodar oblysynyń aýyl sharýashylyǵy basqarmasynyń bastyǵy.
2014 jyldan 2018 jylǵa deıin - Kachır aýdanynyń ákimi (2018 jyldyń qyrkúıeginen – Tereńkól aýdany).
2018 jyldyń jeltoqsanynda ol Pavlodar aýdanynyń ákimi bolyp taǵaıyndaldy.
