4 mamyr kúni 30 jastaǵy er adam kovıdtik aýrýhana retinde qaıta beıimdelgen №3 kópsalaly qalalyq aýrýhanaǵa jatqyzyldy. Naýqas aýyr jaǵdaıda reanımasııaǵa 90% ókpe zaqymdanýymen stasıonarlyq emge jatqyzylǵan bolatyn.
Naýqastyń aıtýy boıynsha aýrý birtindep órshı bastady. 2-3 kúnnen keıin naýqaspen baılanysta bolǵan áıel de sol aýrýhanaǵa jatqyzyldy.
«Aldymen men úıde emdelýge tyrystym. О́zin-ózi emdeý aýyr jaǵdaıǵa ákeldi. Eki kúnnen keıin meniń týysymdy emdeýge jatqyzdy, oǵan da COVID-19 dıagnozy qoıyldy», deıdi naýqas.
Er adam jansaqtaý bólimindegi medbıkeler men sanıtarlarǵa erekshe alǵysyn bildiredi.
«Sanıtarlar meni qasyqpen tamaqtandyrdy, sebebi men ózim dem ala almadym, tamaq ishe almadym. Sonyń biri – Azııa, esimi esimde qaldy. Taǵy eki sanıtar bar edi, aty men tegi esimde qalmapty. О́kinishke oraı, men olardy kóshede kórsem tanymaımyn, óıtkeni olar JQQ-men jumys isteıdi – eshteńe kórinbeıdi», deıdi er adam.
Sondaı-aq, eger medısına qyzmetkerleriniń mundaı meıirimdi, qamqor qarym-qatynasy bolmasa, saý qalpyna ózi kele almas edi deıdi naýqas.
«Bizdi emdeýde medbıkeler de, dárigerler de mańyzdy ról atqardy. Olardyń bári óte úılesimdi jáne birlese otyryp jumys isteıdi. Sol sebepti osy nátıjege qol jetkizdi. Árıne, kóp nárse basshylyqqa baılanysty. Durys uıymdastyrý kóp nárseni sheshedi. Men jumysty oryndy uıymdastyrǵan № 3 KQA dırektoryna alǵys bildiremin. Meniń emdelip shyǵýyma jáne saýyǵýyma úlesterin qosqan medısına qyzmetkerleriniń bárine alǵysymdy bildiremin», dedi naýqas.
Kardıolog Darıga Bilálova naýqastyń jaǵdaıy óte aýyr bolǵanyn atap ótti. Dárigerdiń aıtýynsha, shtattan tys mamandarmen emdeý taktıkasy boıynsha keńes birneshe ret ótkizildi.
«Erekshe aýyr jaǵdaı boldy. KVI tek ókpeniń ǵana emes, baýyrdyń, búırektiń jáne naýqastyń júregine qatty áser etti. Naýqas durys rejımdi ustanyp, biz taǵaıyndaǵan emdeýdi odan ári saqtasa, onda ol tolyq qalpyna keledi dep senemiz», dep tolyqtyrdy ortalyq dárigerleri.
