Qostanaı qalasynyń birneshe turǵyny «Toyota RAV 4» kóligimen Kókshetaý qalasynan kele jatqan. Qozǵalys kezinde jubaıyna rólge otyrýdy ótingen er adam avtomobıl salonynan qulap ketken. Jolaýshylar zardap shegýshini aýdandyq ortalyq aýrýhanaǵa jetkizgenimen ol jan saqtaý bólimshesinde jan tapsyrǵan.
Bolǵan oqıǵanyń mán-jaıyn tolyq jáne jan-jaqty qaraýǵa baǵyttalǵan tergeý júrgizilýde.
«Qaıtys bolǵannyń týystarynyń aıtýyna qaraǵanda er adam elektrondy sıgaretin alamyn dep esikti ashqan sátte qulap ketkenin túsindirdi. Avtokóliktiń jolaýshylarynan qaýipsizdik máselesine jaýapkershilikpen qaraýdy, qaýipsizdik belbeýin aǵytpaýdy jáne qozǵalys kezinde esikti ashpaýdy suraımyz. Eger esikti ashý qajet bolǵan jaǵdaıda júrgizýshige belgi berip, kólik quralynyń tolyq toqtaǵanyn kútý kerek», deıdi aýdandyq PB bastyǵy, polısııa polkovnıgi Marat Serkeshev.
