Esterińizge sala keteıik, sot oblystyq máslıhat depýtaty Qaırat Ábishevti mas kúıinde kólik júrgizgeni jáne basqa da buzýshylyqtary úshin segiz jylǵa júrgizýshi kýáliginen aıyryp, 15 táýlikke qamaýǵa alý túrinde jaza taǵaıyndady.
Oblystyq partııa fılıaly tóraǵasynyń birinshi orynbasary Ilıa Terenchenkonyń aıtýynsha, quramynda 11 adam bar saıası keńes bıýrosynyń otyrysynda partııanyń músheligi týraly másele qaraldy.
– «Nur Otan» partııasy Pavlodar oblystyq fılıaly saıası keńesi bıýrosynyń 2021 jylǵy 26 mamyrdaǵy kezekten tys otyrysynda «Nur Otan» partııasy Jarǵysynyń 3.6-tarmaǵy negizinde Pavlodar oblystyq máslıhatynyń depýtaty Qaırat Sansyzbaıuly Ábishevtiń «Nur Otan» partııasyna músheligin toqtatý týraly qaýly qabyldandy. «Jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 20-baby 3-tarmaǵynyń 3-1, 3-tarmaqtary negizinde depýtattyq ókilettikter merziminen buryn toqtatylady, – dep habarlady partııanyń oblystyq fılıaly.
