«О́ńirde sońǵy alty jylda eldi mekenderdi sýmen jabdyqtaý máselesinde oń ózgerister boldy. Máselen, búgingi tańda aımaq boıynsha ortalyqtandyrylǵan sýǵa qol jetkizý kórsetkishi 92,8%-dy qurap otyr. 2015 jyldan bastap «Aqbulaq» baǵdarlamasy aıasynda barlyq qala-aýdandardyń turǵyndaryn sýmen jabdyqtaý jolǵa qoıyldy», dedi ol.
Qazirde 683 eldi mekenniń 529-ynda sapaly aýyzsý bar. Halyqty aýyzsýmen qamtamasyz etý kórsetkishi alty jyl ishinde 65,1%-dan 83,2%-ǵa ósti. О́tken jyly bul maqsatta 152 joba iske asyrylǵan.
«Osynyń nátıjesinde 2020 jyly 17,5 myńnan astam adam ortalyqtandyrylǵan sýmen qamtamasyz etildi. Bunymen jumystar toqtap qalmaıdy. Bıyl 98 jobany iske qosý josparlanǵan», dedi Almat Aqyshev.
2022-2024 jyldary 40 myń adam turatyn 73 eldi mekendi sýmen jabdyqtaý kózdelip otyr. Demek, 2024 jyly oblys turǵyndary tolyqtaı ortalyqtandyrylǵan sýmen qamtamasyz etiledi.
«Oblysymyz sońǵy jyldary sýmen jabdyqtaý máselesin sheshýde ilgeri qadap jasap keledi. Bul kóńil kónshiterlik kórsetkish», dedi ShQO ákimi Danıal Ahmetov.
