Polısııa departamentiniń málimetinshe, apat 27 mamyrda saǵat 14-te Sholohov pen Tıýlenın kósheleriniń qıylysynda bolǵan. Soqtyǵysý nátıjesinde jedel járdem kóligi bir búıirine qaraı aýdarylǵan.
«Oqıǵa ornynda polısııa qyzmetkerleri jumys istep jatyr. Toyota Alphard jedel járdem kóligimen soqtyǵysty. Apattyń mán-jaıy anyqtalady», dep habarlady polısııa ókilderi.
Oblystyq densaýlyq saqtaý basqarmasy ókili de apatqa qatysty mán-jaıdy habarlady.
«Báıterek aýdany Darınskaıa aýrýhanasynyń sanıtar kóligi jol apatyna ushyrady. Onda júkti áıel medbıkemen birge kardıologııalyq ortalyqqa bara jatqan. Arnaıy kólikte sırena qosylyp turǵan. Biraq júrgizýshilerdiń biri jedel járdem kóligine jol bermeı apat boldy», dedi BQO Densaýlyq saqtaý basqarmasynyń baspasóz qyzmetindegiler.
Oblystyq densaýlyq saqtaý basqarmasy ókilderi júkti áıel men medbıke kishigirim jaraqat alǵanyn aıtty. Naýqas oblystyq perınataldyq ortalyqqa jetkizilgen. Ishtegi bala zardap shekken joq. Áıel júktiliktiń 35-inshi aptasynda bolǵan. Ol jaǵymsyz saldardyń aldyn alý úshin aýrýhanaǵa jatqyzyldy.
