«Dúnıejúzilik densaýlyq saqtaý uıymyna ótinim berip qoıdyq. Prosedýra kúrdeli ári uzaqqa sozylady, qujattardy daıyn bolýyna qaraı usynamyz. Búginde bul máselege oraı elimizdiń Syrtqy ister mınıstrligi úlken kómek kórsetip jatyr. Sonymen qatar Densaýlyq saqtaý mınıstrliginen de keńes alyp otyrmyz», dedi ol QazAqparat tilshisine bergen suhbatynda.
Onyń aıtýynsha, Qazaqstandaǵy AQSh Elshiligi qazaqstandyq tarapqa konsýltantynyń qyzmetin usynǵan.
«Ol bizge vaksınamyzdy tirkeý máselesi boıynsha keńes beredi. Iаǵnı, bul máselede birneshe tarap, atap aıtqanda Syrtqy ister mınıstrligi, Densaýlyq saqtaý mınıstrligi, Qazaqstandaǵy AQSh Elshiligi jáne bizdiń ınstıtýt tyǵyz jumys istep jatyr», dedi ınstıtýt basshysy.
Sonymen qatar ol Qazaqstan vaksınasyn tirkeý prosedýrasy qansha ýaqytqa sozylýy múmkin ekendigin de aıtty.
«Tirkeý máselesinde ýaqyt shekteýi joq. Munyń barlyǵy qujattarymyzdyń sapasyna baılanysty. Eger olardyń kóńilinen shyqsa, talaptary men normalaryna saı kelse, onda másele tezirek sheshiledi», dedi Kúnsula Zakarııa.
