Aımaqtar • 28 Mamyr, 2021

Nur-Sultanda Turan dańǵylyndaǵy «Bus Lane» iske qosylady

33 ret kórsetildi

29 mamyrdan bastap Turan dańǵylyndaǵy Kereı Jánibek handar kóshesinen Syǵanaq kóshesine deıin bólingen «Bus Lane» jolaǵy iske qosylady, dep habarlaıdy Egemen.kz elorda ákimdiginiń resmı saıtyna silteme jasap.

Búgingi kúni ol elordanyń áleýmettik jáne mádenı nysandaryn baılanystyratyn negizgi kólik toraptarynyń biri. Bul jelimen úlken suranysqa ıe 5 baǵdar ótedi: №40, 50, 51, 53, 61. О́z kezeginde, avtobýs jelisin engizý jol júrý ýaqytyn 8 mınýtqa qysqartady. Naqtyraq aıtsaq, avtobýs «Bus Lane» arnaıy bólingen jolaqpen eki baǵytta júrip ótken kezde jol júrý ýaqyty 20 mınýtty, jolaqsyz 28 mınýtty quraıdy.

26 mamyrda Qabanbaı batyr dańǵylynda «Bus Lane» avtobýs jelisi iske qosyldy. Bólingen jolaq «Azııa park» SOO baǵytynda aınalma jol aıryǵynan bir jaqqa engizildi. Bul úlken suranysqa ıe 15 baǵdardyń qozǵalysyna basymdyq berdi: №10, 12, 37, 51, 303 jáne t.b. Kún saıyn osy baǵyttarmen 40 myń jolaýshy júredi.

Qoǵamdyq kólikten bólek, «Bus Lane» arqyly jedel járdem men órt sóndirý tehnıkasy qozǵala alady. Mysaly, mamyr aıynyń basynan bastap zııatkerlik kólik júıesi jáne bólingen jolaqpen júrý arqyly jedel járdem reanımobılderine 69 ret kólik dálizi jasalyp, joldan jyldam ótkizildi. Bul olardyń naýqasqa jetý ýaqytyn edáýir qysqartty.

Aıta keteıik, qazirgi ýaqytta «Bus Lane» jobasy uzyndyǵy 56,2 km bolatyn 22 jol bóliginde júzege asyryldy. Arnaıy jolaqtardy engizý esebinen baǵyttyq jeliniń 14%-yn qamtıtyn kólik joly qalyptastyryldy.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar