Jezqazǵan óńirine jumys sapary barysynda Qaraǵandy oblysynyń ákimi Jeńis Qasymbekke densaýlyq saqtaý salasyndaǵy ınfraqurylymdyq jobalar usynyldy.
«О́tken eki jylda oblystyq bıýdjetten qarjylandyrý jáne «Qazaqmys» korporasııasynyń kómeginiń arqasynda óńirdiń medısınalyq mekemelerin jabdyqtaý jaqsardy. Biraq bul jetkiliksiz. 2023 jylǵa deıin eseptelgen birlesken baǵdarlamany qabyldap, iske asyrýǵa kiristik. Ol úsh baǵytty qamtıdy: ınfraqurylymdy damytý, mamandardy tartý, materıaldyq-tehnıkalyq jabdyqtaý», dep baıandady Jezqazǵan medısınalyq ortalyǵyn aralaý kezinde densaýlyq saqtaý basqarmasynyń basshysy Gamal Toqsambaev.
Ol onkologııalyq ortalyqty ornalastyrý úshin daıyn tıptik ǵımarat tańdalǵanyn aıtty. Qazirdiń ózinde memlekettik saraptamadan ótip jatqan jobalyq-smetalyq qujattama ázirlendi. Qorytyndy maýsym aıynda bolady dep kútilýde. Osydan keıin qarjylandyrý máselesi sheshiledi.
Sonymen qatar Jezqazǵanda perzenthana bólimshesi kópsalaly aýrýhanaǵa aýystyrylady.
Jeńis Qasymbek medısınalyq ortalyqtyń jaǵdaıymen tanysyp, dárigerlermen áńgimelesti.
«Jezqazǵanda densaýlyq saqtaý salasyn damytý úshin biraz jumystar atqaryldy.
Munda modýldik juqpaly aýrýlar aýrýhanasy salyndy. Mamandardyń jetispeýshiligi áli de bar, biraq bul másele sheshilýde. Bizdiń mindetimiz – sizderdiń óńir turǵyndaryńyz oblys ortalyǵyna barmaı-aq joǵary bilikti medısınalyq kómek alýy úshin jaǵdaı jasaý. Ol úshin qolymyzdan kelgenniń barlyǵyn jasaıtyn bolamyz», dedi oblys ákimi.
