«Dostar, men QR Bilim jáne ǵylym mınıstrliginiń Ulttyq testileý ortalyǵynyń dırektory qyzmetinen óz erkimmen ketý týraly sheshim qabyldadym. 7 jyl boıy men memleketke qyzmet ettim. О́zimdi basqa salalarda synap kórýdiń ýaqyty keldi. Dostar, turaqty qoldaýlaryńyzǵa óte rızamyn, sonyń arqasynda kóp nárse atqaryldy. Aıtylǵan syndarǵa qaramastan, maǵan zor senim bildirgen Bilim jáne ǵylym mınıstrine bólek alǵys aıtamyn! Men ózimniń barlyq bilimim men qabiletimdi halyqqa adal qyzmet etýge jáne sizdi uıatqa qaldyrmaý úshin ortalyqtyń ıgiligine baǵyttaýǵa tyrystym. Bilim berý salasyndaǵy usynylǵan basqa da jaýapty basshylyq laýazymdarǵa erekshe rızamyn. Biraq, men qyzmet salasyn sál ózgertý kerek dep sheshtim», degen Dıdar Smaǵulov qyzmetten ketkenimen, UBT-ǵa qatysty jumystarmen áli qoshtaspaıtynyn jetkizdi.
Aıtýynsha, budan bylaı mınıstrdiń sybaılas jemqorlyqqa qarsy is-qımyl máseleleri jónindegi shtattan tys keńesshisi laýazymyn qosymsha alyp júrmek.
«Dostar, UBT-ny birlesip adal báseke alańyna aınaldyraıyq», dep jazdy Dıdar Smaǵulov.
