«Sharyn shatqaly jáne onyń saı-salasy sel júrý qaýpi bar aımaq ekendigin túsinýge tıispiz. Sol aýdanda TJM-ǵa qarasty «Qazseldenqorǵaý» mekemesiniń bólimshesi joq. Osy kúnderdiń ishinde Qazgıdrometten Almaty qalasy jáne Almaty oblysynyń tótenshe jaǵdaılar departamentterine qandaı da bir sel júretindigi týraly daýyldy eskertý bolǵan emes», dedi komıtet tóraǵasy.
Onyń aıtýynsha, nóser jaýynnyń saldarynan laıly sel júrgen. Sonymen qatar ol Sharyn shatqaly aýmaǵyndaǵy uıaly baılanystyń nasharlyǵyna qatysty saýalǵa jaýap berdi.
«Uıaly baılanysqa qatysty aıtar bolsam, bizde taýly jerlerde baılanys bola bermeıdi. Muny biz túsinýge tıispiz. Týrısterdiń mindetti saqtandyrý týraly zańǵa sáıkes, týrıstik operator jumys jasaýy kerek», dedi Baýyrjan Syzdyqov.
