Qoǵam • 31 Mamyr, 2021

Sot salasy da onlaın formatqa aýysty

117 ret kórsetildi

«Astana» halyqaralyq qarjy ortalyǵynyń zańnamasy Eýrazııalyq ekonomıkalyq odaq, Ortalyq Azııa, Kavkaz, Batys Qytaı, Mońǵolııa men Taıaý Shyǵys elderi úshin biregeı bıznes jáne qarjy ortalyǵy, dep habarlaıdy Egemen.kz.

Qarjy ortalyǵynda qazirgi tańda China Development Bank, China Construction Bank Corporation, «Halyq Fınans» AQ, «Altyn banki» AQ, «QazAtomО́nerkásip» AQ, SkyBridge Invest A, Freedom Finance Global Plc., iKapitalist, Kazakhstan Energy Reinsurance Company, Unicorn sekildi 792 sheteldik jáne otandyq iri kompanııa jumys istep jatyr.

Búginge deıin kompanııalar AHQO Soty jáne HTO eskertpelerin paıdalanyp 4 myńnan astam kelisimshart jasasty. Atalǵan bıznes qatynastar aǵylshyn jalpy quqyǵy qaǵıdattary, normalary men presedentteri, halyqaralyq qarjy ortalyqtarynyń standarttary jáne AHQO týraly Qazaqstan Konstıtýsııalyq zańyna negizdelgen AHQO zańnamasy arqyly retteledi. Zańnyń saqtalýyna «Astana» halyqaralyq qarjy ortalyǵynyń Soty men Tórelik ortalyǵy kepildik beredi.

AHQO Sotynyń eń alǵashqy tóraǵasy bolyp 2018 jyldyń 1 qańtarynda Lord Výlf taǵaıyndaldy. AHQO Sotynyń qurylýy men qalyptasýyna aıtarlyqtaı úles qosqan sýdıa zeınetke shyqqannan keıin onyń ornyna 2020 jyldyń 1 aqpanynda Lord Mans taǵaıyndaldy. Lord Mans Ulybrıtanııa Joǵarǵy Soty prezıdentiniń orynbasary bolyp qyzmet etken. Sonymen qatar 2018 jyldyń 1 qańtarynan bastap Halyqaralyq tórelik ortalyǵynyń tóraǵasy retinde Barbara Domann taǵaıyndaldy. Sot tóraǵasynan bólek qurylymda 8 sýdıa qyzmet etedi. HTO-da 39 arbıtrdan turatyn tóreshiler alqasy bar. 

AHQO Soty men Halyqaralyq tórelik ortalyǵynyń e-Justice platformasy jáne zamanaýı beınebaılanys tehnologııalar sot otyrysyn onlaın ótkizýge jáne bıznes qaýymdastyqqa álemniń kez kelgen jerinen Sot jáne HTO qyzmetterin paıdalanýǵa múmkindik beredi. Qazaqstandaǵy karantındik shekteýler kezinde osynaý onlaın tehnologııalar óz deńgeıinde qyzmet etip, sot isterin, tórelik pen medıasııa qyzmetin atqarýǵa múmkindik berdi. Nátıjesinde qaralǵan ister sany 425-ke jetti. Onyń 411-i Halyqaralyq tórelik ortalyqta, qalǵan 14-i AHQO Sotynda qaraldy. AHQO Soty men HTO endi ǵana jumys isteı bastaǵanyn eskersek, bul aıtarlyqtaı joǵary kórsetkish. eJustice platformasynyń sonymen qatar sot menedjmenti men elektrondy qujat aınalymyn da júrgizýge jaǵdaı jasaıtynyn aıta ketý qajet.

AHQO Soty men  Halyqaralyq tórelik ortalyǵy 2022 jyldyń 1 qańtaryna deıin ótinishterdi qabyldaý, ákimshilik jáne tyńdaý ótkizý úshin tólemderdi almaıtynyn esterińizge salamyz. Atalǵan ýaqytqa deıin AHQO Soty men Halyqaralyq tórelik ortalyǵynyń eskertpeleri bar kelisimsharttarǵa Sot pen tórelik ortalyq qandaı da bir daýdy sheshýge tegin qyzmet etedi. AHQO Soty barlyq taraptarǵa óz quqyǵyn qorǵaýǵa múmkindik beredi.  Sotta 27 ıýrısdıksııadan 271 zańger qyzmet etedi. Onyń arasynda otandyq zańgerler de bar.

Aıta keteıik, AHQO Soty táýelsiz organ jáne Anglııa men Ýelstiń jalpy quqyq qaǵıdattaryna jáne jetekshi halyqaralyq qarjy ortalyqtarynyń standarttaryna negizdelgen. AHQO Soty birinshi satydaǵy sottan jáne apellıasııalyq sottan turady. Kúrdeliligi men somasy boıynsha bolmashy daýlardy jedel sheshýdi qamtamasyz etý úshin birinshi satydaǵy sotqa usaq daý-damaılar soty kiredi. AHQO Soty ákimshilik jáne qylmystyq sot isin júrgizýdi júzege asyrmaıdy jáne qatysýshylar, AHQO organdary arasyndaǵy daýlardy jáne AHQO quqyǵyna sáıkes AHQO-da júzege asyrylǵan operasııalar boıynsha daýlardy sheshýdi qamtamasyz etý úshin aıryqsha ıýrısdıksııasyna ıe. Sonymen qatar, AHQO soty taraptardyń kelisimi boıynsha AHQO sotyna berilgen daýlardy qaraı alady.

AHQO Halyqaralyq tórelik ortalyǵy táýelsiz organ bolyp tabylady jáne jetekshi halyqaralyq qarjy ortalyqtarynyń standarttaryna sáıkes qurylǵan. HTO tóreshileriniń quramyna jer qoınaýyn paıdalaný, saýda, munaı-gaz sektory, qurylys, energetıka, ıslam qarjysy, bankıng, zııatkerlik quqyq salalarynda jáne kommersııalyq jáne azamattyq quqyqtyń basqa da salalarynda tórelik boıynsha kóp jyldyq tájirıbesi bar jetekshi halyqaralyq tóreshiler kiredi.

 

 

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar