Bul kúndi mereke retinde atap ótý 1925 jyly Jenevada balalar máselelerine arnalǵan Dúnıejúzilik konferensııada qabyldanǵa. Bir ǵasyrǵa jýyq tarıhy bar merekeni táýelsiz Qazaqstan da jyl saıyn atap ótedi.
Jalpy Qazaqstan balalardyń quqyǵyn qorǵaýǵa qatysty halyqaralyq qujattardyń barlyǵyn derlik ratıfıkasııalaǵan.
Prezıdent Qasym-Jomart Toqaev óziniń alǵashqy Joldaýynda-aq osy máselege erekshe toqtalyp, zańnamany jetildirý týraly tapsyrmalar bergen bolatyn. Sonyń aıasynda bir jylda elimizde balalardyń quqyǵy týraly zańnamaǵa 83 túzetý engizilgen.
Balalardyń quqyǵymen baılanysty máselelerdi elimizde Bilim jáne ǵylym mınıstrliginiń Balalardyń quqyqtaryn qorǵaý komıteti retteıdi. Sondaı-aq Balalardyń quqyqtaryn qorǵaý jónindegi ýákil bar. Bul qyzmetti qazir tanymal qoǵam qaıratkeri Arýjan Saın atqaryp otyr.
