«Indýstrııa jáne ınfraqurylymdyq damý mınıstrligi úshinshi elderden sement ımportyna tyıym salý týraly buryn engizilgen buıryqtyń kúshin joıýdy qarastyryp jatyr. Atalǵan buıryq otandyq sement óndirýshilerdi qoldaý jáne qosymsha júkteý maqsatynda alty aı merzimge engizilgen bolatyn», delingen habarlamada
IIDM derekteri boıynsha, zaýyttarda sementtiń (M400, M450, M500 markaly) ortasha baǵasy markasyna qaraı tonnasyna 21-23 myń teńge sheginde, QQS-men 22,4 myń teńge. Naryqtaǵy sementtiń qymbattaýy dılerler men alypsatarlardyń áreketterimen baılanysty.
«Búgingi tańda mınıstrlik qurylys materıaldary baǵasynyń odan ári negizsiz ósýin boldyrmaý, óndirýshiler men jetkizýshiler arasynda sóz baılasý men alypsatarlyqqa jol bermeý úshin Básekelestikti qorǵaý jáne damytý agenttigine tekserý júrgizý jáne sharalar qabyldaý úshin resmı hat joldady.
Osyǵan baılanysty Mınıstrlik sement óndirýshilerge iri qurylys kompanııalarymen jáne beton óndirýshilermen tikeleı jumys isteýge keńes beredi», dep tolyqtyrdy vedomstvo ókilderi.
Buǵan deıin ındýstrııa jáne ınfraqurylymdyq damý mınıstri Beıbit Atamqulov keıbir elde armatýra, sement jáne negizgi qurylys materıaldarynyń baǵasy 70 paıyzǵa deıin óskenin habarlaǵan bolatyn.
