Vedomstvonyń málimetinshe, 2 maýsymda Nur-Sultan qalalyq PD jedel basqarý ortalyǵynyń kezekshi bólimine Talapker aýylynyń aýmaǵynda «Almaty-Ekaterınbýrg» avtojolynyń 1237 shaqyrymynda «Toyota Camry» markaly avtokóligi jaıaý júrginshini qaǵyp ketkeni týraly telefon habarlamasy túsken.
«Málim bolǵandaı, Nur-Sultan qalasyna baǵyt alǵan 20 jastaǵy astanalyq joldy ruqsat etilgen tusynan baǵdarshamnyń jasyl túsine ótip bara jatqan Talapker aýylynyń 18 jastaǵy turǵynyn qaǵyp ketti. Jas jigit oqıǵa ornynda kóz jumdy», dedi vedomstvodan.
Qazirgi kezde, kólik júrgizýshisiniń ústinen Qylmystyq kodekstiń 345 babynyń 3-shi bóligi «jol qozǵalysy erejelerin buzý» boıynsha sotqa deıingi tergeý sharalary júrgizilýde. Sonymen birge, oǵan «kúzetpen ustaý» bultartpaý sharasy tańdaldy. Tergeý amaldary jalǵasýda.
