«AIBA Dýbaıda ótken bokstan Azııa chempıonatynda belgili bir jekpe-jektermen baılanysty tórelikte týyndaǵan yqtımal problemalar men aıyptaýlar jóninde habardar. AIBA mundaı aıyptaýlarǵa óte baıypty qaraıdy. AIBA birneshe ulttyq boks federasııalarymen ózara árekettestikten keıin, tóreshiler komıteti barlyq tıisti taǵaıyndalǵan laýazymdy tulǵalardyń jumysyna jedel tergeý júrgizetinin kútedi jáne bul jaǵdaıda jaýap berý kerek pe, joq pa, sony anyqtaý úshin AIBA-nyń Tártiptik komıtetine óz tujyrymdary týraly múmkindiginshe tezirek habarlaıtynynan úmitti.
Mundaı jaǵdaıda Tártiptik komıtetke quzyrettiliktiń jetispeýshiligine, manıpýlıasııaǵa nemese sybaılas jemqorlyqqa baılanysty durys emes sheshimder qabyldanǵan-qabyldanbaǵanyn anyqtaý úshin dereý táýelsiz saraptama júrgizýge quqyq beriledi. Prezıdent Omar Kremlevtiń jańa basshylyǵymen AIBA boks tóreligi máselelerin táýelsiz saraptama arqyly sheshýge nıetti ekenin aıqyn kórsetti.
Rıo-2016 týrnırin qosa alǵanda, aldyńǵy máselelerge tolyq táýelsiz tergeý júrgizý tapsyryldy. Ádiletsiz aıqastarǵa kináli dep tanylǵan kez kelgen laýazymdy tulǵa AIBA jarystaryna qatysý quqyǵynan birjola aıyrylady. Prezıdent Kremlev jáne AIBA-daǵylar barlyq boksshyǵa árqashan da ádil jekpe-jek ótkizýge múmkindik berilýin qamtamasyz etýge daıyn. Budan keıingi jańalyqtar tergeý jáne reforma prosesiniń negizgi kezeńderi aıaqtalǵannan keıin jarııalanady», delingen AIBA resmı málimdemesinde.
