«3 maýsymda Batys-2 aýdanynda kóppáterli úıdiń besinshi qabatynan 7 jastaǵy bala qulap ketti. Kámeletke tolmaǵan bala túrli jaraqattarmen aýrýhanaǵa jetkizildi. Oqıǵa kezinde balanyń anasy birneshe mınýtqa dúkenge ketken, al bala ol kezde uıyqtap jatqan», dedi óńirlik polısııa departamentiniń baspasóz qyzmeti.
Oblystyq balalar aýrýhanasynyń bas dárigeri Erbol Japahov balanyń turaqty-aýyr halde ekenin aıtty.
«Qazirgi ýaqytta balanyń jaǵdaıy turaqty-aýyr. Jansaqtaý bóliminde baqylaýda bolyp, em alady. Esin biledi. Ol jabyq mı jaraqatyn, ókpe, búırek, baýyr jaraqattaryn alǵan. Oń jambasynda synyq bar, alaıda balaǵa operasııa qajet emes», dedi dáriger.
Dárigerler balalarǵa muqııat bolý kerek ekenin eskertti. Úıińizdegi jıhazdar bala úshin qaýipsiz kúıde ornalasýy qajet. Sebebi jazataıym oqıǵanyń kóbi bala nazardan tys qalǵan kezde, jıhaz arqyly tereze aldyna shyǵyp alý saldarynan bolady
