4 maýsym kúni saǵat 14:09-da Qostanaı oblystyq TJD nómirine Svetonaıa kóshesinde 150 sharshy metr aýmaqta qora órtenip jatqany týraly habarlama kelip túsken. О́rt sóndirýshiler oqıǵa ornyna saǵat 14:57-de kelip, jalyndy sóndirýge kiristi.
«О́rttiń jaqyn turǵan jekemenshik úıdiń barlyq aýmaǵyna, sondaı-aq kórshi úıge taralyp ketýi múmkin edi. Jalynmen kúreste órt sóndirý qyzmeti jeke quramynyń 15 mamany men 4 tehnıkasy jumyldyryldy. Qoradan basqa, onyń ishinde turǵan mal – bir jylqy men 12 qoı órtenip ketti. Sondaı-aq, órt kezinde sonda júrgen jaldamaly jumysshy zardap shekti. Beti men qoly kúıgen ol aýrýhanaǵa barýdan bas tartty», dep habarlady TJD-dan.
О́rttiń shyǵý sebebi anyqtalyp jatyr. Qora órtengende ıeleri úıde bolyp, ol týraly bilmegen. О́rt sóndirýshiler jalyndy saǵat 15:19-da tolyq sóndirdi.
