2014 jylǵy 29 mamyrda qol qoıylǵan Eýrazııalyq ekonomıkalyq odaq týraly shartqa sáıkes, birlestikti qurýdyń maqsaty taýarlardyń, kórsetiletin qyzmetterdiń, kapıtaldyń jáne jumys kúshiniń erkin qozǵalysyn qamtamasyz etý, óz halyqtarynyń ál-aýqatyn arttyrý múddesinde múshe memleketter ekonomıkalarynyń turaqty damýy úshin jaǵdaılar jasaý bolyp tabylady.
Qazaqstan EAEO sheńberindegi ıntegrasııalyq prosester tek ekonomıkalyq sıpatqa ıe degen ustanymdy qoldaıdy. Eýrazııalyq ıntegrasııa organdaryna tán emes fýnksııalardy berýdi qabyldaýǵa bolmaıtyndyǵyn dástúrli túrde atap ótemiz jáne birlestikti saıasılandyrýǵa qarsymyz.
EAEO týraly shartty retteý máselesiniń sheńberinen shyǵatyn, onyń ishinde úshinshi elderdiń sanksııalyq áreketterine jaýap sharalaryn qoldaný jónindegi bastamalardy talqylaý kontekstinde Batystyń sanksııalary óziniń negizinde, eń aldymen saıası sebepteri bar jáne búkil EAEO-ǵa emes, jekelegen memleketterge qarsy baǵyttalǵanyn atap ótemiz.
Qazaqstan Respýblıkasy EAEO elderiniń «shoǵyrlandyrylǵan sharalary» týraly basqa memleketterdiń sanksııalaryna jaýap retinde eshqandaı kelissózder júrgizbeıtinin atap ótemiz. Eýrazııalyq ıntegrasııa boıynsha áriptestermen júrgiziletin jumysta mundaı sanksııalardyń bizdiń memleketterimizdiń áleýmettik-ekonomıkalyq damýyna teris áserin boldyrmaý boıynsha birlesken is-qımyldar týraly ǵana aıtýǵa bolady.
