Almaty oblysy Ile aýdanynda 3,5 jyl buryn bes adam qaza tapqan AN-28 ushaǵy apatyna qatysty sot aıaqtaldy. East Wing áýekompanııa basshysy Vasılıı Masalıtın aqtalyp shyqty. Alaıda sarapshylar ushaq belgisiz ushý apparatymen soqtyǵysqanyn anyqtady, dep habarlaıdy Egemen.kz Ile aýdandyq sotyna silteme jasap.
Vıtalıı Masalıtınge «abaısyzda adamdardyń ólimine ákep soqqan qozǵalys qaýipsizdigi nemese áýe kóligin paıdalaný erejelerin buzdy» jáne «basqarýǵa quqyǵy joq adamǵa áýe kemesin basqarýǵa ruqsat berdi» degen aıyp taǵylǵan bolatyn. Ol sotta kinásin moıyndamady.
Sotqa deıingi tergeý barysynda sarapshylar qorytyndysyndaǵy qarama-qaıshylyqtarǵa baılanysty sot talqylaýy jan-jaqty jáne obektıvti ótýi úshin sýdıa keshendi saraptama (medısınalyq-krımınalıstıkalyq, sot-medısınalyq, kólik-trasologııalyq, zattar men buıymdardyń jarylys-tehnıkalyq materıaldary) taǵaıyndady.
«Ushaq belgisiz ushý apparatymen soqtyǵysqan. Bul ushqyshtar kabınasynyń qyzyp ketýine ákelgen jáne soqqy tolqynyn týdyrǵan», dedi Ile aýdandyq sotynyń baspasóz qyzmeti ókili.
Sarapshylar shyǵarǵan qorytyndyǵa súıene otyryp, sot Masalıtınniń «kinási joq» degen qorytyndyǵa keldi. Osyǵan baılanysty, sot Qylmystyq is júrgizý kodeksiniń 44-baby 1-bóliginiń 3-tarmaǵyna sáıkes anyqtalmaǵan adamdarǵa qatysty qylmystyq isti jeke is júrgizýge bólip, qýdalaý týraly máseleni sheshý úshin prokýrorǵa jiberdi. Sondaı-aq sotqa deıingi tergeý barysynda qylmystyq is júrgizý zańyn óreskel buzýǵa jol bergen Qazaqstan Bas prokýratýrasy atyna jeke qaýly shyqty.
Eske sala keteıik, 2017 jyly 3 qazanda East Wing áýekompanııasynyń ushaǵy aerodromnan 28 shaqyrym jerde radardan joǵalyp ketken bolatyn. Keıin ushaq jerge qulap, barlyq ekıpaj músheleri men jolaýshylar qaza bolǵan edi.
Sheteldegi jumys: Artyqshylyǵy men kemshiligi
Jumys • Búgin, 08:40
Agroındýstrııada áleýeti zor megapolıs
Aımaqtar • Búgin, 08:38
Qytaımen saýdasy qyzǵan Jetisý
Saýda • Búgin, 08:35
Ulttyq sport • Búgin, 08:33
Sport • Búgin, 08:30
Mádenıet • Keshe
Uqsas jańalyqtar
Onlaın 
