Erekshe operasııa jasaldy

Quny 4,7 mln teńgeni qu­raıtyn ota mindetti áleý­­mettik medısınalyq saq­tandyrý (MÁMS) júıesi aıa­synda jasaldy.

Pasıent mazasy ketip, alty aı boıy aýyrǵan. Aýrý­hanaǵa jatqanǵa deıin qaı­ta-qaıta murny qanap, jut­qynshaǵynda bógde zat tur­ǵandaı sezingen. Ol jaǵ­daıyn aıtyp, №1 qalalyq kóp­beıindi aýrýhanaǵa jú­ginedi. Bul aýrýhananyń dári­gerleri naýqasty jan-jaq­ty qarap, ota jasaý týraly uıǵarymǵa keledi.

Sodan zamanaýı jab­dyqtar men bilikti maman­dardyń arqasynda ota sátti ótti. Pasıent aýrýhanadan ja­zylyp shyqty.

Orta, tehnıkalyq jáne ká­siptik, orta bilimnen keıingi, joǵary bilim berý uıym­­­­darynda, sondaı-aq jo­ǵary oqý ornynan keıingi bilim berý uıymdarynda kún­dizgi oqý bóliminde bilim alý­shylar MÁMS júıesinde mem­leket tarapynan saq­tan­­dyrylǵan jeńildik sana­tyn­daǵy azamattar qa­taryna jata­tyndyqtan, pasıentke qu­ny qymbat tu­ratyn ota tegin jasaldy.

Áleýmettik medısınalyq saqtandyrý qorynyń elorda fılıalynyń málimeti bo­ıynsha osy jyldyń 1 toq­sanynda astana klınıkalarynda MÁMS aıasynda 3 mlrd 76 mln teńge somasyna 1 234 joǵarytehnologııalyq medısınalyq qyzmet (quny qymbat otalar) jasaldy. Onyń 1 198-i (97%) josparly túrde, 36-sy (3%) shuǵyl ja­saldy.