Túrkistan QPB-ǵa jergilikti turǵyn alaıaqtyń qurbany bolǵanyn aıtyp aryzdanǵan. Onyń aıtýynsha, tanysy Koreıa eline jumysqa turǵyzyp beretinin aıtyp, 350 myń teńge qarajatyn alǵan. Alaıda búgingi kúnge deıin ýáde etilgen jumysty da, óz aqshasyn da ala almaǵan. Atalǵan jaıt QR Qylmystyq kodeksiniń 190-baby (Alaıaqtyq) boıynsha tirkeldi.
Túrkistan qalalyq Polısııa basqarmasynyń polıseıleri jedel-izdestirý jumystaryn júrgizip, kúdikti dep tanylǵan Kentaý qalasynyń turǵynyn anyqtap, basqarmaǵa jetkizdi. Kúdikti azamat jábirlenýshige jalǵan aqparat berip, aqshany ózine alǵan. Qazirgi tańda tártip saqshylary oqıǵanyń tolyq mán-jaıyn tekserýde.
