SQO-nyń bas memlekettik sanıtar dárigeriniń jańa qaýlysy erteń, 9 maýsymnan bastap kúshine enedi. Qujatqa sáıkes óńirde karantındik shekteýlerdiń keıbiri alyndy:
1) kelýshiler sanyn 30%-dan asyrmaı bılıard, boýlıng, kompıýter klýbtary men akvaparktiń jáne ǵımarat ishindegi balalardyń oıyn alańdarynyń jumys isteýine ruqsat beriledi;
2) kelýshiler sanyn 30%-dan jáne 50 adamnan asyrmaı, banket zaldarynda eske alý is-sharalaryn ótkizýge bolady;
3) dinı nysandarda da adam sanyn asyrmaı, maska taǵyp jáne 4 metr áleýmettik ara qashyqtyqty saqtap is-sharalardy ótkizýge ruqsat beriledi;
4) mádenıet nysandarynda jeke, toptyq daıyndyqtardy adam sanyn 50-den asyrmaı ótkizýge bolady;
5) mektepke deıingi mekemelerge toptardy qosyp, is-shara ótkizbeı jumys isteýge ruqsat beriledi;
6) monsha, saýnalardyń jeksenbi kúni de jumys isteýine bolady;
7) sporttyq is-sharalardy kórermen sanyn 20%-dan, al kınoteatr, teatr, konsert zaldarynyń jumysyn kórermen sanyn 30%-dan asyrmaı uıymdastyrýǵa bolady;
8) qoǵamdyq tamaqtaný oryndarynyń jumysy saǵat 2.00-ge deıin uzartylady;
9) balalardyń saýyqtyrý lagerleri 100% tolymdyqpen jumysqa kirisedi. SQO Qazaqstan óńirlerindegi epıdemııalyq ahýaldy baǵalaý matrısasy boıynsha «jasyl» aımaqta. Máselen ótken táýlikte oblysta koronavırýs juqtyrýdyń jańadan 13 jaǵdaıy ǵana tirkeldi.
