«О́rttiń negizgi sebepteri – ottyń qaýipsizdigin saqtamaýdan týady. Elektr jabdyqtaryn paıdalaný tártibin orynsyz buzý, peshpen jylytýdan saqtyq sharalaryn saqtamaý da órtke soqtyryp jatady», deı kelip D.Rastıhın órt shyǵýdyń qazirgi jazdyń ystyq kúnderindegi bir sebebi – terektiń mamyǵy bolyp otyrǵanyn jetkizdi.
Tek sońǵy kúnderi ǵana terektiń mamyǵyn jaǵýdan 50-den artyq ot tutanǵan. Onyń ishinde 2-ýi úlken órtke ulasyp, turǵyn úı men sharýashylyq qurylysyn sharpyǵan. Sonyń tishinde sońǵysy túgi qalmaı janyp ketken.
Jınalyp qalǵan terek mamyǵyn jaǵýǵa jas balalar qumar. Olar ózderiniń qylyǵy úlken shyǵynǵa, tipti adam shyǵynyna ushyratatynyn oılamaı, mamyqtyń janǵanyn qyzyqtaıdy. Al kenetten týǵan jel otty turǵyn úılerge jetkizetinin oılamaıdy. «Osy kúnderi órt sóndirýge shaqyrǵan qalyptaǵy dabyldar kúnine birneshe ese artyp tur. Statıstıka boıynsha shyqqan órtterdiń úlken bóligi terek mamyǵyn jaqqannan tutanǵandar. Mamyq birneshe sekýndta ǵana údep qurǵap turǵan aǵash qurylystardy sharpyp, úlken órtterge soqtyrady. Sondyqtan ata-analar balalaryna otpen oınaýǵa bolmaıtynyn únemi eskertip otyrýlary kerek», dedi D.Rastıhan.
Ákimshilik kodeks 16-ǵa tolmaǵan balalardyń jaýapkershiligin qarastyrmaǵan. Olardy tek kámeletke tolmaǵandardyń isi jónindegi ınspeksııa esepke alady. Al bar shyǵyndy ata-analary tóleıdi. Árbir ata-ana osyny eskergeni jón.
