Ardaq Bókeeva jelidegi jazbasynda qurǵaq aýa raıy týraly talqylap, óńirdi jut alýy múmkin ekenin aıtty. Onyń aıtýynsha, ekologtar buǵan deıin de, qazir de Jerde qatty kún ysyp, álemde qýańshylyq etek alatynyn aıtylyp júrgenimen ázirge eshqandaı shara qoldanylmaı jatqanyn jetkizdi.
«О́zderińiz biletindeı, munyń saldaryn taıaýda ǵana bolǵan Mańǵystaýdaǵy jylqylardyń ashtan qyrylǵanyn aıtýǵa bolady. Dál qazir Almaty oblysynyń turǵyndary kókeıdegi suraqtaryna jaýap taba almaı, alańdap otyr», deıdi ekojúıe belsendisi.
Sondaı-aq ol Facebook paraqshasynda Torǵap sý qoımasynyń tartylyp qalǵan sýretimen bólisti.
«50 jastaǵy aýyl turǵyny barlyq maldy taýǵa aıdap áketip otyrady. Ol mundaı jaǵdaıdy, ásirese, maýsym aıynyń basynda kórmegenin aıtady. Taýy, jaılaýy joq adamdar ne istep jatqanyn elestete almaımyn», dep jazdy Ardaq.
