Jarysty qyzdar bastady. О́kinishke qaraı, Zere Bektasqyzy óziniń tusaýkeser kezdesýinde nıderlandtyq Hılde Iаgerge ese jiberdi. Negizi bul básekede balýandar birde-bir ádis jasaı alǵan joq. Biraq tóreshi Zerege qatarynan úsh eskertý jasap, sonyń saldarynan ol jarys jolynan shyǵyp qaldy.
Móldir Narynova alǵashqy aınalymda bos boldy. Ekinshi kezeńde Tımý Barbaramen beldesti. Portýgalııa sportshysynyń álem chempıonaty men Eýropa oıyndarynyń kúmis jáne qurlyq birinshiliginiń qola júldegeri degen ataqtary bar. Bul tartys Pıreneı túbegi túleginiń paıdasyna sheshildi.
Erler saıysyn Islam Bozbaev óte qarqyndy bastady. Alǵashqy aınalymda ol mysyrlyq Hatem Abd ál-Aherdiń aıaǵyn kókten keltirdi. Odan keıin Iýrı Petrdiń tas-talqanyn shyǵardy. Úshinshi kezeńde álem chempıonatynyń kúmis júldegeri, Panamerıka oıyndarynyń jeńimpazy, Panamerıkanyń tórt dúrkin chempıony Ivan Felıpe Sılvamen kúresti. Básekeniń alǵashqy mınýtynda Bozbaev vazarı ádisin sátti jasady. Sol basymdyǵyn qazaq dzıýdoshysy sońǵy sekýndttarǵa deıin ustap turdy. Endi ol ózbekstandyq Davlat Babonovpen kúsh synasady.
Ersultan Muzafarov majarstandyq Peter Safarıge san soqtyrsa, kelesi kezdesýde ıtalııalyq Nıkolas Mangaldan utylyp qaldy.
