© Foto : Royal Navy/LPhot Paul Hall
Iаdrolyq qarý qoldanýǵa arnalǵan ushaqtyń Reseı shekarasyna jaqyn jerde manevr jasaýy reseılikterdiń shamyna tıip ketse kerek.
«Pentagonnyń ıadrolyq qarýdy alyp júre alatyn Baltops B-52H ushaǵymen manevr jasaýy kezekti arandatýshylyq. Bul Eýropadaǵy shıelenisti kúsheıtedi», dep jazylǵan elshiliktiń Twitter-degi paraqshasynda.
Mundaı áreketter 16 maýsymda Vladımır Pýtın men Djo Baıdenniń Jenevadaǵy kezdesýi qarsańynda «atmosferany buzady» dep esepteıtinin jetkizgen. Elshilik AQSh-ty kontınenttegi qaýipsizdikke degen kózqarastaryn túbegeıli qaıta qaraýǵa jáne Reseı shekaralary mańyndaǵy qaýipti áreketterdi toqtatýǵa shaqyrdy.
NATO-nyń Baltops-2021 jattyǵýy Baltyq teńizinde 6-18 maýsym aralyǵynda 50-shi ret ótip jatyr. Oǵan NATO-ǵa múshe 16 memleket, sondaı-aq Shvesııa men Fınlıandııa qatysady.
Jıynǵa barlyǵy tórt myń áskerı qyzmetker, qyryq keme, alpys ushaq pen tikushaq tartylǵan. Oqý-jattyǵýlar kezinde sýasty, áýe qorǵanysy, mınaǵa qarsy operasııalardy, sondaı-aq Lıtva jaǵalaýynda desant áskerlerin mashyqtandyrý josparlanǵan.
Aıta keteıik, Baltops-2021 1972 jyldan bastap jyl saıyn ótkizilip keledi.
