2018 jyly Elbasynyń bastamasymen 3 jylǵa arnalǵan Jol kartasy qabyldandy. Ony júzege asyrýdyń nátıjesi boıynsha qyzmetkerlerdiń shtattyq sany 13,5 myńǵa qysqardy, 106 basqarý bólimderi men 1483 basshylyq laýazymdar taratyldy.
«Búginde polıseıler sany 100 myń turǵynǵa shaqqanda 471-den 369-ǵa deıin azaıdy. Bul eýropalyq eldermen sáıkes keledi. Ákimshilik shyǵyndar azaıdy. Jumys úshin qajetti jaǵdaılar jasaldy: áleýmettik qorǵaý, turǵyn úı jaǵdaılary jaqsardy, qyzmetkerlerdiń jalaqysy kóterildi. Qyzmetkerlerdi oqytý júıesý qaıta qaraldy. Qyzmetke qabyldaý talaptary kúsheıdi. Polısııa qyzmetin baǵalaýdyń jańa júıesi engizildi. Endi polısııanyń jumysyna halyq baǵa beredi. Táýelsiz ınstıtýttar áleýmettik zertteýler júrgizip, qaýipsizdik deńgeıi jáne halyqtyń polısııaǵa senimi boıynsha baǵalaıdy», dedi E.Turǵymbaev.
